Esque tu ha un installation de Java compatibile con Oracle's Java 1.6 JRE?
Si: discarga OmegaT_3.n.n_Windows_without_JRE.exe.
No / Io non sape: discarga OmegaT_3.n.n_Windows.exe.
Iste pacchetto comprende Java Runtime Environment de Oracle (JRE). Iste JRE non interferera con altere installationes de Java que pote jam esser installate in tu systema.
Pro installar OmegaT, clicca duo vices sur le programma que tu ha discargate.
Al initio del installation tu pote seliger le lingua a utilisar per le installation. In le fenestra sequente tu pote indicar que le lingua seligite debe esser usate in OmegaT. Actualmente interlingua non es disponibile e tu habera configurar lo con le fila -Duser.language=ia in le file OmegaT.I4j.ini . Si tu marca le quadrato de option, le file OmegaT.l4J.ini file es modificate pro usar le lingua eligite (vide le section sequente pro le detalios). Plus tarde, postquam tu ha acceptate le accordo de licentia, le programma de preparation demanda te si tu desidera crear un plica in le menu Initio, e si tu desira crear un via breve sur le scriptorio e in le barra de lanceamento celere - tu pote crear iste vias breve plus tarde con le tiramento de OmegaT.exe al scriptorio o al menu de Initio pro ligar lo ex illac. Le quadro ultime offere te un reguardo al files readme e changes pro le version que tu ha installate.
Un vice que OmegaT es installate, pro lancear lo directemente, on pote cliccar sur OmegaT.jar o on pote usar le linea de commando.
Le maniera plus simple pro lancear OmegaT, comocunque, es executar le programma OmegaT.exe. Le optiones per le initio del programma in iste caso essera legite ex le file OmegaT .l4J.ini , le qual reside in le mesme plica que le file .exe e que tu pote editar pro ser conforme a tu configuration. Le exemplo sequente del file .INI reserva 1GB de memoria, demanda le francese como lingua del usator e le Canada como pais:
# OmegaT.exe runtime configuration # Pro usar un parametro, remove le '#' ante que le '-' # Memory -Xmx1024M # Language -Duser.language=FR # Country -Duser.country=CA
Consilio: si OmegaT flue lentemente in le sessiones de scriptorio remote sub Windows, tu pote usar iste option:
-Dsun.java2d.noddraw=false
Iste information se refere sol al versiones "Traditional" de OmegaT pro Windows. Isto non se refere al version Web Start , que es promovite automaticamente al version ultime, ni al version cross-platform sur Windows .
Si tu jam ha un version de OmegaT installate in tu PC e desira promover lo a un version plus recente, tu ha duo optiones:
Installar super le installation existente. Pro facer isto, selige simplemente le mesme plica del installation existente, quando tu installara le version nove. Le version
"vetule" de OmegaT essera superscribite, ma omne le configurationes essera retenite. Isto include preferentias fixate intra
OmegaT, qualcunque cambiamentos que tu faceva a tu file OmegaT.l4J.ini , e alsi a tu script de lanceamento (file .bat), si tu usa illo.
Con iste methodo, tu pote discargar le version "Windows without JRE", perque le installation nove usara tu JRE existente.
Installar in un plica nove. Isto habilitara te a retener ambe versiones uno al latere del altere, le qual tu potera desirar facer usque tu sentira te confortabile con le nove version. Iste methodo usara alsi le preferentias e le configurationes que tu ha facite in OmegaT. In iste caso, comocunque:
Si tu ha cambiate tu file OmegaT.l4J.ini o es usante un file .bat, tu debe copiar isto super.
Si tu installation de OmegaT es un version "Windows with JRE", le nove version debe alsi esser un version "Windows with JRE".
Esque tu ha un installation de Java compatibile con Oracle's Java 1.6 JRE?
Si: discarga OmegaT_3.n.n_Without_JRE.zip.
No / Io non sape: discarga OmegaT_3.n.n_Linux.tar.bz2.
Iste pacchetto comprende Java Runtime Environment de Oracle (JRE). Iste JRE non interferera con altere installationes de Java que pote jam esser installate in tu systema.
Que tu dispacchetta (Unpack/untar) le file discargate. Isto creara un plica omegat/ in le plica laborante in le qual tu trovara omne le files que necessita pro exequer OmegaT. Pro decomprimer le file .tar.gz:
$ tar xf downloaded_file.tar.gz
Tu pote adder OmegaT a tu menus como seque:
Pulsa Alt+F2 pro monstrar KRunner. Scribe kmenuedit+enter pro exequer le commando. Compare le KMenuEditor. In le KMenuEditor selige File -> Nove Articulo.
Pois, post seligite un menu convenibile, adde un sub menu o un commando con File - Nove Sub menu e File - Nove Commando. Scribe OmegaT como nomine del nove commando.
In le campo "Commando", usa le button de navigation pro trovar tu script de lanceamento de OmegaT (le file nominate OmegaT in le plica decomprimite), e selige lo.
Clicca sur le button icone (al derecta del campos Nomine, Description o Commento)
Altere Icones - lege, e naviga al sub plica /images in le plica application de OmegaT. Selige le icone OmegaT.png .
Finalmente, salva le cambiamentos con Salva - File.
Tu pote adder OmegaT a tu menus como seque:
Clicca con le dextero on le quadro - Adde Nove Lanceator.
Scribe "OmegaT" in le campo "Name"; in le campo "Command", usa le button de navigation pro trovar tu script de lanceamento de OmegaT lancea le script (le file nominate OmegaT in le plica decomprimite). Selige e confirma lo con OK.
Clicca sur le button icone, pois pulsa Naviga... al sub plica /images in le plica del application OmegaT. Selige le icone OmegaT.png. GNOME pote faller a monstrar le files icone in le formatos disponibile e initialmente appare pro expectar un file SVG, ma si le plica es seligite, le files debe apparer e OmegaT.png pote esser seligite.
Tu pote lancear OmegaT ab le linea de commando con un script que include le optiones initial o tu pote cliccar sur OmegaT.jar pro lancear lo directemente. Le methodos differe dependente del distribution. Face secur te que tu preparationes PERCURSO es correcte e que le files .jar es associate debitemente con un lanceator de Java. Controla in ultra "Lanceamento per linea de commando" pro plus de informationes.
Clicca duple sur OmegaT_3.n.n_Mac.zip pro dispacchettar lo. Isto crea un plica appellate OmegaT . Le plica contine 2 files: index.html e OmegaT.app. Copia le plica in un plica convenibile (e.g. Applicationes). Un vice que tu ha exequite lo, tu pote deler le file OmegaT_3.n.n_Mac.zip, illo non necessita plus.
Clicca duo vices sur OmegaT.app o clicca sur su location in le Dock.
Tu pote modificar le comportamento de OmegaT per rediger le Proprietates assi ben como le file Configuration.properties in le pacchetto.
Pro acceder a Configuration.properties, clicca dextre sur OmegaT.app e elige "Monstrar le contentos del pacchetto", pois aperi le file in Contentos/Ressources per cliccar dextre sur lo e elige tu editor de texto. Tu pote alsi "cd" ibi directemente ab le linea de commando e aperir Configuration.properties in un editor de linea de commando como emacs o vi.
Le optiones es cambiate per modificar le file Configuration.properties. Per optiones pre-definite, remover le # ante un parametro pro habilitar lo. Per exemplo, LANGUAGE="-Duser.language=ja" (sin le #) lanceara OmegaT con le Interfacie del Usator in japonese.
Pro cambiar le quantitate del memoria disponibile, rediger le file OmegaT.app/Contentos/Info.plist e cambiar le contento del fila <string>-Xmx1024M</string>. Pro instance, <string>-Xmx2048M</string> will lanceamento OmegaT con le 2 gigas del memoria.
Pro lancear instantias multiple de OmegaT.app, clicca duo vices le file OmegaT.sh locate in OmegaT.app/ Contents/MacOS/.
Usa le file OmegaT.jar ubicate in OmegaT.app/Contents/Resources/Java/ pro lancear OmegaT per linea de commando. Controla in ultra "Lanceamento per linea de commando" pro plus de informationes.
OmegaT.app es accessibile per le Servicios de Mac OS X. Tu pote ergo seliger un parola alicubi in OmegaT e usar le Servicios pro controlar iste parola, per exemplo in Spotlight o in Google. Tu pote alsi usar AppleScript o Automator pro crear Servicios o scriptes que automatisara le actiones frequente
Iste information refere al systemas assi como Solaris SPARC/x86/x64, Linux x64/PowerPC, Windows x64
OmegaT es disponibile impacchettate con un Oracle Java JRE pro platteformas Linux (Intel x86) e Windows. Le usatores de altere platteformas (Linux PowerPC, Linux x64, Solaris SPARC/x86/x64, Windows x64 etc) debe haber functionante un Java JRE compatibile sur lor systema pro esser capace de usar OmegaT.
Esque tu ha un installation de Java compatibile con Oracle's Java 1.6 JRE?
Si: discarga OmegaT_3.n.n_Windows_without_JRE.exe. Iste pacchetto pote esser usate sur omne platteforma ubi es installate un Java 1.6 JRE compatibile JRE.
Io non sape: aperi un terminal e scribe "java -version". Si es rendite un message "command not found" o simile, il es verisimile que Java non es installate sur tu systema
No: obtene un Java JRE pro tu systema (vide in basso) e discarga OmegaT_3.n.n_Without_JRE.zip.
Oracle provide JREs pro Solaris SPARC/x86 (Java 1.6) e pro Linux x64, Solaris x64, Windows x64 (Java 1.6) in http://www.oracle.com/technetwork/java/archive-139210.html
IBM provide JREs for Linux PowerPC a http://www.ibm.com/developerworks/java/jdk/linux/download.html
Seque le instructiones de installation del pacchetto que tu necessita.
Pro installar OmegaT, simplemente disimballar le file OmegaT_3.x_Without_JRE.zip. Isto creara un plica ./OmegaT_3.n.n_Without_JRE/ in le plica de labor con tote le files necessari pro exequer OmegaT.
Seque tu instructiones de systema pro installar le vias breve de OmegaT in locos commode de tu election.
Un vice que OmegaT es installate, tu pote lancear lo directemente per linea de commando, tu pote crear un script que include le parametros de lanceamento pro le linea de commando o tu pote cliccar sur OmegaT.jar pro lancear lo directemente. Le methodos differe dependente del distribution. Face secur te que tu preparationes del PATH son correcte e que le files .jar son associate debitemente con un lanceator Java. Controla in ultra "Lanceamento per linea de commando" pro plus de informationes.
In plure systemas, il es possibile aperir un projecto per traher un file omegat.project e deponer lo in le icone de OmegaT sur le scriptorio. Il pote alsi esser possibile aperir un projecto OmegaT per duple-clic
sur un file omegat.project.
Le technologia Java Web Start (depost Java 1.6 e sequente) pote ser usate pro le functionamento autonome del applicationes software Java con un sol clic sur le rete. Java Web Start assecura que le ultime version del application essera displicate, assi como usate le correcte version de Java Runtime Environment (JRE). Pro initiar OmegaT le prime vice con Java Web Start, carga in tu navigator le sequente URL:
http://omegat.sourceforge.net/webstart/OmegaT.jnlp
Discarga le file OmegaT.jnlp e clicca sur illo. Durante le installation, dependente de tu systema operative, tu pote reciper plure advertimentos de securitate. Le permissiones que tu da a iste version (le qual pote apparer como "accesso libere al computator") son identic al permissiones que tu da al version local de OmegaT, id es, illos permitte accesso al disco dur del computator. Le cliccas subsequente sur OmegaT.jnlp controlara pro tote le promotiones, installara los, si il ha alicun, e pois lanceara OmegaT. Post le installation initial tu pote, naturalmente, alsi usar OmegaT.jnlp off-line.
Confidentialitate: OmegaT Java Web Start non salva alicun cosa de tu information ul le computator sur le illo es fluente. Le application flue solmente sur tu machina. Tu documentos e memorias de traduction resta sur tu computator, e le projecto OmegaT non habera ulle accesso a tu obras o informationes.
Nota que si tu necessita o desidera usar omne argumentos del commando de lanceamento (vide supra), tu debe usar le installation normal.
Normalmente, il non es necessari lancear OmegaT per linea de commando. Totevia, le alternativa del linea de commando permitte al usator de controlar e modificar melio le comportamento del programma. Il ha duo manieras de lancear OmegaT per linea de commando.
Un fenestra de linea de commando es alsi referite como "fenestra de terminal". Sur Windows il es clamate un "fenestra MS-DOS" e es disponibile per le menu Initio, intra Programmas, per le commando "MS-DOS". Le equivalente Mac OS X es le application Terminal ubicate in Applicationes → Utilitates.
Pro lancear OmegaT, tu debe normalmente scriber duo commandos. Le prime de istos es:
cd {plica}
ubi {plica} es le nomine del plica, con le percurso complete, in le qual tu programma OmegaT - specificamente le file OmegaT.jar - es ubicate. In practica, iste commando resimilara ergo a isto:
Sur Windows
cd C:\Program
Files\OmegaT
Sur Mac OS X
cd <OmegaT.app
location>/OmegaT.app/Contents/Resources/Java/
Sur Linux
cd /usr/local/omegat
Iste commando cambia le plica al plica continente le file executabile OmegaT. Le secunde commando es le commando ver que lancea OmegaT. In su forma plus basic, iste commando es:
java -jar
OmegaT.jar
Paga attention al majusculas e minusculas: in OS alteremente que in Windows, le programma non initiara, si tu scribe omegat in loco deOmegaT!
Iste methodo ha le beneficio particular de esser commode pro discoperir causas de problemas: si occurre un error durante le uso del programma, in le fenestra del terminal es emittite un message de error que pote continer information utile sur le causa del error.
Le methodo supra es un via aliquanto impractic pro initiar de routine un programma. Per iste ration, le duo commandos describite precedentemente es continite in un file (un "script", alsi nominate un "file .bat" sur le systemas Windows).
Quando es exequite iste file, es exequite automaticamente alsi le commandos continite. Per consequentia, pro cambiar le commando de lanceamento, il es sufficiente modificar le file.
Le commando basic esseva ja mentionate precedentemente. Le cambiamentos a iste commando implica le addition de "argumentos".
Le argumentos es addite post le "java" initial, e ante "-jar OmegaT.jar". Nota que in Windows tu pote cambiar le file OmegaT.l4J.ini pro reflecter tu preferentias. In altere platteformas, tu pote modificar le file Configuration.proprieties sur Mac, o le lanceator de OmegaT sub Linux pro facer le mesmo.
Un lista de argumentos possibile is fornite in sequito. Le usatores experte pote obtener re le argumentos plus de informationes scribente man java in le fenestra de terminal.
Lingua del interfacie de usator
-Duser.language=XX Normalmente, id es quando OmegaT es lanceate sin alicun argumento, le programma releva antea le lingua del systema operative del usator. Si es disponibile un interfacie de usator in tal lingua, OmegaT usara lo. Assi, si le systema operative del usator es russe e OmegaT esseva localisate in russo, OmegaT es monstrate con un interfacie del usator russe, menus russe, et cetera. Si le lingua del systema del usator non es disponibile, OmegaT adopta normalmente le anglese. Isto es le comportamento standard.
Le argumento "-Duser.language=XX" causa que OmegaT usa le lingua specificate plus tosto que le lingua del systema operative del usator. "XX" in le commando consiste in le codice de duo cifras del lingua desiderate. Pro lancear OmegaT con un interfacie francese (per exemplo sur un systema operative russe), le commando esserea in consequentia:
java -Duser.language=fr -jar
OmegaT.jar
Pais del usator
-Duser.country=XX In ultra al lingua, tu pote alsi specificar le pais, per exemplo CN o TW in caso del lingua Chinese. Pro monstrar le guida de initio celere in le lingua desiderate, tu necessita specificar ambe le lingua e le pais. Isto es necessari etiam si il ha sol un combination disponibile, como pt_BR in caso de portugese / Brasil.
Assignation del memoria
-XmxZZM Iste commando assigna plus memoria a OmegaT. Normalmente, es assignate 512 MB, assi il non ha beneficio assignar minus de iste cifra. "ZZ" sta pro le amontar de memoria assignate, in megabytes. Le commando pro lancear OmegaT con assignation de 1024 MB (1 gigabyte) de memoria es in consequentia:
java -Xmx1024M -jar OmegaT .jar
Adresse IP del hospite proxy
-Dhttp.proxyHost=nnn.nnn.nnn.nnn Le adresse IP de tu servitor proxy, si tu systema usa un proxy.
Numero del porta del hospite proxy
-Dhttp.proxyPort=NNNN The numero del porta que tu systema usa pro acceder al servitor proxy.
Google Translate v2
-Dgoogle.api.key=A123456789B123456789C123456789D12345678 Si tu ha signate pro le servicios Google Translate, scribe ci tu clave private de API Google. Note que le clave es longe 38 characteres.
Face te secur que tu ha un conto gratuite Microsoft. Tu necessitara isto pro tu connexion a Windows Azure Marketplace e pro usar le servicio de traductor. Nota que usque 2M characteres per mense es gratuite. Le duo entratas requirite son disponibile in tu pagina del conto sub clave del conto Primari e Customer-ID:
-Dmicrosoft.api.client_id=XXXXXXXX-XXXX-XXXX-XXXX-XXXXXXXXXXXX
-Dmicrosoft.api.client_secret=XXXX9xXxX9xXXxxXXX9xxX99xXXXX9xx9XXxXxXXXXX=
Face te secur que tu ha un conto gratuite Yandex. Tu necesstara lo pro esser habile a obtener e usar le clave AP de traducton de Yandex Translate. Le claves API pote esser requirite per un modulo de requesta de clave API , e viste sur le pagina My Keys page.
-Dyandex.api.key=trnsl.1.1.XXXXXXXXXXXXXXXX.XXXXXXXXXXXXXXXX.XXXXXXXXXXXXXXXXXXXXXXXXXXXXXXXXXXXXXXXX
Le argumentos pote esser combinate: pro lancear OmegaT con tote le exemplos describite precedentemente, le commando esserea:
java -Dswing.aatext=true -Duser.language=pt
-Duser.country=BR -Xmx1024M -Dhttp.proxyHost=192.168.1.1
-Dhttp.proxyport=3128 -jar
-OmegaT.jar
Le proposito del modo consola (linea de commando) es permitter le uso de <a0>OmegaT</a0> como instrumento de traduction in un ambiente script. Quando initiava in modo consola, nulle GUI es cargate (assi il laborara sur omne consola) e le projecto date es processate automaticamente como requirite.
Pro lancear OmegaT in le modo linea de commando, debe esser presente un projecto OmegaT valide. Le ubication non face substantia, pois que tu debe adder lo al linea de commando del lanceamento in omne caso.
Si tu necessita configurationes alterate, le files de configuration debe esser disponibile. Isto pote esser complite in duo manieras:
Exeque OmegaT normalmente (con le GUI) e specifica le configurationes. Si tu lancea OmegaT in modo consola, il usara le mesme preparationes.
Si tu non pote exequer OmegaT normalmente (nulle ambiente graphic disponibile): copia le files del preparationes ex alicun altere installation OmegaT sur un altere machina a un plica specific. Le ubication non face substantia, pois que tu pote adder lo al linea de commando
al lanceamento. Le files pertinente son filters.conf e segmentation.conf e pote esser trovate in le plica domo del usator (per exemplo C:\Documents and Settings\%User%\OmegaT sub Windows, %user%/.omegat/ sub Linux)
Pro lancear OmegaT in modo consola, al initio debe esser passate a illo altere parametros. Le plus importante es <project-dir>, e optionalmente --config-dir=<config-dir>. Exemplo:
java -jar OmegaT.jar
/path/to/project \
--config-dir=/path/to/config-files/ \
--config-file=/path/to/config-file/ \
--mode=console-translate|console-createpseudotranslatetmx|console-align
--source-pattern={regexp}
Nota que tote le parametros initia con un character "duple -".
Explication:
<project-dir> dice a OmegaT ubi trovar le projecto a traducer. Si date, OmegaT initia in modo consola e traducera le projecto date.
--config-dir=<config-dir> indica a OmegaT in qual plica es servate le files de configuration. Si non date, OmegaT reveni al plica del valores de preparation base (OmegaT sub le home del usator o, si indisponibile, in le plica de labor actual). Nota le character "duple -"
--config-file=<config-file> dice a OmegaT qual file de configuration usar.
--mode=...- OmegaT initia in modo consola pro exequer automaticamente uno del servicios sequente
--mode=console-translate
In iste modo, OmegaT tentara de traducer le files in /source/ con le memorias de traduction disponibile. Isto es utile pro exequer OmegaT sur un servitor con le files TMX que alimenta automaticamente un projecto.
--mode=console-createpseudotranslatetmx
In iste modo OmegaT creara un TMX for le projecto integre, basate super le files fonte solmente. Tu specifica le file TMX a crear con
--pseudotranslatetmx=allsegments.tmx
--pseudotranslatetype=[equal|empty]
Le argumento pseudotranslatetype specifica, si le segmentos final debe esser equal al fonte, o lassate vacue.
--mode=console-align
In iste modo, OmegaT alineara le files proprietates Java trovate in le plica /source/ del projecto al contentos trovate al ubication specificate. Le TMX resultante es immagazinate in le plica /omegat/ sub le nomine align.tmx.
Un parametro additional necessita in iste caso, specificante le ubication del datos final:
--alignDir={ubication del files rendite}
alignDir debe continer un traduction in le lingua de destination del projecto. Per exemplo, si le projecto es EN->FR, alignDir debe
continer un desinentia con _fr. Le TMX resultante es immagazinate in le plica /omegat/ sub le nomine align.tmx.
--source-pattern={regexp}
Quando esseva usate modo, iste option specificara le files a esser processate automaticamente. Si le parametros non es specificate, omne files essera processate. Ecce pauc exemplos typic pro limitar vostre selection:
.*\.html
Omne le files HTML essera traducite - Nota que le periodo in le *.html usual debe esser escappate (\.) assi como specificate ab le regulas pro le expressiones regular.
test\.html
Sol le file test.html in le radice del plica source essera rendite. Si il habe altere files nominate test.html in altere plicas, illos essera ignorate.
dir-10\\test\.html
Sol le file test.html in le plica dir-10 essera processate. Nota novemente que le barra reverse es assi como escappate.
--output-tag-validation-={regexp}
Quando esseva usate modo, iste option specificara le files a esser processate automaticamente. Si le parametros non es specificate, omne files essera processate. Ecce pauc exemplos typic pro limitar vostre selection:
.*\.html
Omne le files HTML essera traducite - Nota que le periodo in le *.html usual debe esser escappate (\.) assi como specificate ab le regulas pro le expressiones regular.
test\.html
Sol le file test.html in le radice del plica source essera rendite. Si il habe altere files nominate test.html in altere plicas, illos essera ignorate.
dir-10\\test\.html
Sol le file test.html in le plica dir-10 essera processate. Nota novemente que le barra reverse es assi como escappate.
--tag-validation=[abort|warn]
outputFileName
Iste option permitte le validation del tag in modo batch. Si es seligite abort , le validator de tag arrestara se sur le prime segmento non valide. Si es specificate warn, le validator del tag processara omne le segmentos e scribera advertimentos re omne segmentos con tags invalide in le file
specificate.
-no-team adressa le preparation del projectos pro le labor in equipa. Usa lo si OmegaT non synchronisa le contentos del projecto.
--disable-project-locking permitte, sub Windows, de aperir le mesme projecto con plure occurrentias de OmegaT. Per arrangiamento initial, sub Windows,
omegat.project es blocate, e es recipite un message de error quando on proba a aperir un projecto jam aperite in un altere instantia de
OmegaT. With that option, no locking occurs.
Un parametro extra pro linea de commando specific al modo consola: --quiet. In le modo quiete, minus informationes es registrate verso le schermo. Le messages que tu trovarea habitualmente in le barra
de stato non es monstrate.
Uso: java -jar OmegaT.jar /path/to/project --mode=console-translate --quiet
Un altere parametro extra de linea de commando specific pro modo consola: --tag-validation=[abort|warn]. Quando es addite iste parametro, le validation del tag es facite ante que le traduction/alineamento. Si le valor es abort, alora sur errores tag le errores son imprimite e le programma arresta se. Si le valor es warn alora le errores son imprimite, ma OmegaT continua.
Uso: java -jar OmegaT.jar /path/to/project --mode=console-translate --tag-validation=abort
Nota que tu necessitara le programma ant (http://ant.apache.org/bindownload.cgi) pro construer tu proprie version de OmegaT. Dispacchetta le file OmegaT_3.n.n_Source.zip e entra in le plica OmegaT_3.n.n_Source o entra in le plica ./omegat/ del codice SVN discargate. Per favor face secur te que un file build.xml es presente in iste plica. Eo, sur le linea de commando, scribe:
$ ant jar release
Isto creara un distribution plen de OmegaT in le plica ./dist/ , ubi tu trovara tote le files necessari pro exequer OmegaT.