Chapter 9. Files a render

Le files de texto plan contine solmente texto, assi lor traduction es simple como dactylographar lo. Il ha plure methodos pro specificar le codification del file de maniera que su contentos non es alterate quando aperte in OmegaT. Tal files non contine ulle information de formattation foras del "spatios blanc" usate pro alinear texto, indicar paragraphos o inserer interruptiones de pagina. Illos non es habile a continer o retener informationes re le color, le typo de character, et cetera, del texto. Actualmente OmegaT supporta le sequente formatos de texto plan:

Altere typos de file in formato texto plan pote ser tractate per OmegaT con lor extension associate al typo de file supportate (per exemplo, le files .pod pote esser associate al filtro de texto ASCII) e con lor pre-processo, per regulas de segmentation specific.

Le files PO pote continer ambe le textos fonte e de destination. Ab iste puncto de vista illos son files de texto plan plus memorias de traduction. Si pro un segmento fonte date, il non ha ancora un traduction existente in le memoria(s) de traduction del projecto (project_save.tmx), le traduction actual essera salvate in le file project_save.tmx qual traduction base. Comocunque, in le caso que le identic segmento fonte existe jam con un traduction differente, le nove traduction essera salvate como un alternativa.

Le files de texto formattate contine information qual: typo de character, mesura, color et cetera, assi como le texto. Illos es create communmente in applicationes de tractamento del texto o editores in formato HTML . Tal formatos de file son projectate pro continer informationes de formattation. Le informationes de formattation pote esser tan simplice como “isto es nigrate”, o tan complexe qual un tabella de datos con le differente dimensiones de typo de character, colores, positiones, et cetera. In le major parte del obras de traduction, il es considerate importante trovar retenite in le traduction le formattation del texto fonte. OmegaT permitte te de facer isto marcante le characteres/parolas que ha un special formattation con tags facile a tractar. Comocunque, simplificar le formattation original contribue assatis a reducer le numero de tags. Unificar le typos de character, le dimensiones de character, le colores, et cetera usate in le documento, Ubi possibile, simplifica le labor de traduction e reduce le possibile numero de errores de tag. Cata typo de file es tractate differentemente in OmegaT. In cata filtro de file on pote prefixar comportamentos specific. Al tempore del scriptura, OmegaT supporta le textos formattate in le sequente formatos:

Altere typos de file de texto formattate pote alsi esser tractate per OmegaT con lor extension associate al typo de file supportate, e con le regulas de segmentation correspondente, OmegaT segmentara los correctemente.

Quando on scribe texto purmente RTL, pote esser usate le vista base (LTR). In multe casos, totevia, il es necessari incastrar texto LTR in texto RTL. Per exemplo, in le tags OmegaT, le nomines de producto que debe restar in le lingua fonte LTR, pone recipientes in le files de localisation, e numeros in le texto. In casos como istos deveni necessari excambiar al modo RTL, de maniera que le texto RTL (de facto bidirectional) sia monstrate correctemente. Que on observa que quando OmegaT es in modo RTL, tote le duo, le fonte e le destination son monstrate in modo RTL. Isto significa que si le lingua fonte es LTR e le lingua de destination es RTL, o vice versa, il pote esser necessari commutar in retro e in avante inter le modos RTL e LTR pro vider le fonte e inserer le destination facilemente in lor respective modos.

Como constatate precedentemente, le tags de OmegaT son lineas LTR. Quando on rende inter linguas RTL e LTR, legente correctemente le tags ex le fonte e inscribente illos debitemente in le destination pote requirer que le traductor commuta inter modos LTR e RTL plure vices.

Si le documento permitte, le traductor es fortemente incitate a remover le information del stilo ab le documento fonte assi que in le interfacie OmegaT appare tam pauc tags quam possibile. Seque le indicationes date in Consilios pro le gestion del tags. Que tu valida frequentemente le tags (vide Validation del tag) e genera le documentos rendite (vide in ultra e Menu) a intervallos regular pro facer illo plus facile piscar omne le problemas que surge. Un consilio: render un version del file in texto plan e adder le stilo necessari in le application pertinente in un tempore subsequente, pote revelar se un incommoditate minor.

Quando es create le documento rendite, su direction de monstra essera le mesme que celle del documento fonte. Si le documento original esseva LTR, le direction de monstra del documento de destination debe esser cambiate manualmente a RTL in su application de vista. Cata formato emittite ha manieras specific de tractar con le monstra RTL; controla le manuales del application pertinente pro le detalios.

Pro le files .docx, alicun cambiamentos son totevia facite automaticamente:

Pro evitar de cambiar del parametros de apparentia del files de destination cata vice le files es aperte, on pote cambiar le parametros de apparentia del files fonte, como tal parametros es hereditate per le files final. Tal modificationes es possibile in le files ODF, per exemplo.