Le sito TTT de OmegaT contine ligamines verso numerose ressources de OmegaT. Le supporto al usator es fornite sur un base voluntarie al OmegaT Yahoo! Gruppo del usatores Le FAQ es un bon puncto de initio pro trovar responsas a questiones que tu pote haber. Pro le version Ultime de OmegaT, refere te al pagina del discargamentos al ligamine www.omegat.org. On pote alsi depositar reportos de defecto e demanda de incrementos functional.
Recorda que cata bon reporto de defecto necessita justo tres cosas:
Grados pro reproducer le defecto
Lo que tu expecta vider
Lo que tu vide in vice
Tu pote trovar plus in le articulo Revision indolor del defectos ex Joel Spolsky.
Tu pote adder copias del files, portiones del bloco, paginas de schermo, e tote le cosas que tu pensa poterea adjutar le disveloppatores a trovar e fixar tu defecto Nota que le reportos de defecto e le demandas pro meliorar functiones es publicamente visibile, assi tu non debe adder alicun files sensibile. Si tu vole mantener tracia re lo que occurre a tu reporto, registra te como un usator SourceForge, qualifica te e deposita un reporto de defecto o simplemente pulsa Monitor al summitate de tu reporto.
Pro contribuer al projectoOmegaT >:
in prime loco adhere al Gruppo del usatores (via Web o con un Email a OmegaT-subscribe@yahoogroups.com). Pro ser implicate in le effortio de disveloppamento de OmegaT tu pote adherer al gruppo de disveloppatores, via Web o con un email a omegat-development-request@lists.sourceforge.net con "subscribe" como linea de subjecto.
Pro traducer le interfacie del usator, le manual del usator o le altere documentos de OmegaT:
lege antea le guida Localisation e personalisation de OmegaT , e adhere al gruppo del traductores de OmegaT via Web o con un email a omegat-l10n-request@lists.sourceforge.net con subjecto "subscribe".
Pro supportar financiarimente le projecto OmegaT
Si tu amarea adjutar a supportar le continue disveloppamento de OmegaT, il esserea multissimo appreciate - Pulsa sur iste ligamine pro ir al conto PayPal de OmegaT.