OmegaT-ren kontsola-modua

• Aurreko baldintzak

• Kontsola moduan abiatzea

Kontsola moduaren bidez, OmegaT script-gintzako ingurune batean erabil daiteke itzulpen-tresna gisa. Kontsola-moduan abiaraztean, ez da EIGrik kargatzen (beraz, edozein kontsolatan funtzionatuko du). Exekuzio-moduaren arabera, proiektua automatikoki itzuliko da edo sasiitzulpena duen itzulpen-memoria bat sortuko da.

Aurreko baldintzak

OmegaT kontsola moduan erabiltzeko, OmegaT-ren proiektu bat existitu behar da. Kokapena edozein izan daiteke, kokapen hori komando-lerroan idatzi behar baituzu abioan.

Beste ezarpen batzuk erabili nahi izanez gero, konfigurazio-fitxategiak existitu behar dira. Bi modu daude:

1. Exekutatu OmegaT modu normalean (EIarekin) eta zehaztu ezarpenak. OmegaT kontsola moduan abiarazten baduzu, ezarpen horiexek erabiliko ditu. OmegaT modu normalean ezin baduzu erabili (ingurune grafikorik ez badago):
2. Kopiatu ezarpen-fitxategiak beste ordenagailu bateko OmegaT-ren instalazio batetik eta itsasi direktorio batean. Kokapena edozein izan daiteke, kokapen hori komando-lerroan idatzi ahal baituzu abioan. Kopiatu beharreko fitxategiak filters.conf eta segmentation.conf dira, eta erabiltzailearen direktorio nagusian daude (C:\Documents and Settings\%Erabiltzailea%\OmegaT Windows-en, /home/%erabiltzailea%/.omegat/ Linux-en)

Kontsola moduan abiatzea

OmegaT kontsola moduan abiarazteko, parametro gehigarriak erantsi behar dira abioan. <project-dir> eta --mode=<mode> derrigorrezkoak dira.

Moduaren arabera, parametro gehiago eman daitezke (edo eman behar dira). Honetan gehiago sakondu nahi izanez gero, irakurri komando-lerroko argumentuak.

Itzulpen-proiektuaren adibidea:
$> java -jar OmegaT.jar /bidea/proiektura --config-dir=/bidea/konfigurazio/fitxategietara --mode=console-translate
Itzulpen-proiektuaren adibidea fitxategi-bakarrerako:
$> java -jar OmegaT.jar /bidea/proiektura --config-dir=/bidea/konfigurazio/fitxategietara --mode=console-translate --source-pattern=test\.html
Sasiitzulpena duen memoriaren adibidea:
java -jar OmegaT.jar /bidea/proiektura --config-dir=/bidea/konfigurazio/fitxategietara --mode=console-createpseudotranslatetmx --pseudotranslatetmx=allsegments.tmx --pseudotranslatetype=equal