Habitualmente necessita que le information de formattation presente in le file fonte es copiate in le file rendite. Le informationes in-linea de formato que es possibile per le formatos supportate (in particular DocBook, HTML, XHTML, Open Document Format (ODF) e Office Open XML (MS Office 2007 e successive), al tempore de iste scriptura) es presentate como tags in OmegaT. Normalmente le tags es ignorate quando on considera le similantia inter textos differente, pro le propositos del concordantia. Le tags representate in le segmento rendite essera presente in le documento rendite.
Le tags consiste de uno a tres characteres e un numero. Le numeration unic permitte al tags, correspondente a cata altere, de esser regruppate insimul e distincte inter le tags que ha le mesme character de connexion, ma son de facto differente. Le characteres de connexion usate tende a reflecter le significato obvie del tag (per exemplo b pro nigrato o bold, i pro italics, et cetera)
Le tags es numerate in modo incremental secundo le gruppo de tag. Le "gruppos de tag" in iste contexto son tag singule (assi como <i0> e </i0>). Intra un segmento, le prime gruppo (copula o singule) recipe le numero 0, le secunde le numero 1 et cetera. Le prime exemplo in ultra ha 3 gruppos de tag (un copula, un singulo, e pois un altere copula), le secunde exemplo ha un gruppo solmente (un copula).
Le tags es sempre o singulos o accopulate. Le tags singule indica information de formattation que non affice le contexto (un spatio extra o un interruption de linea per exemplo).
<b0><Ctr+N></b0>,
<br1><b2><Enter></b2><segment 2132>
<br1> es un tag singule e non affice alicun contexto. Le tags accopulate habitualmente indica information de stilo que refere se al texto inter le tag de apertura e le tag de clausura de un copula. <b0> e </b0> in ultra es accopulate e affice le texto log.txt. Nota que le tag de apertura debe semper venir ante que le tag de clausura correspondente:
Le file de log (<b0>log.txt</b0>) pro revision del operationes e del errores.
OmegaT crea su tags ante le processo de segmentation del phrase. Dependente del regulas de segmentation, le copula de tags pote devenir separate in duo consecutive segmentos e le validation del tag errara a favor del caution e marcara le duo segmentos.
Con le tags debe esser pagate attention. Si illos es cambiate per accidente, le formattation del file final potera esser corrupte. Le regula basic es que le sequentia de tags debe esser conservate in le identic arrangiamento. Comocunque, il es possibile, si certe regulas son sequite strictemente, deviar ab iste regula basic.
Pro duplicar gruppos de tag, copia exactemente los in le position que tu desira. Serva in mente que in un copula, le tag de apertura debe venir ante que le tag de clausura. Le formattation representate per le gruppo tu ha duplicate essera applicate a ambe sectiones.
Exemplo:
<b0>Iste formattation</b0> va a esser duplicate ci.<segment 0001>
Post le duplication:
<b0>Iste formattation</b0> esseva <b0>duplicate ci</b0>.<segment 0001>
Cancellation de gruppo de tag:
Pro cancellar le gruppos de tag, remove solmente los ex le segmento. Serva in mente que un copula debe haber cancellate ambe su tags de apertura e de clausura pro assecurar que omne le tracias del formattation son cancellate debitemente, alias le file rendite pote devenir corrupte. Cancellante un gruppo de tag tu removera le formattation pertinente del file rendite.
Exemplo:
<b0>Iste formattation</b0> essera cancellate.<segment 0001>
Post le deletion:
Iste formattation ha essite cancellate.<segment 0001>
Modificar le ordine del gruppo de tag pote resultar in le annidamento de un gruppo de tag inter un altere gruppo de tag. Isto es acceptabile, a condition que le gruppo includente include totalmente le gruppo incluse. In altere parolas, quando tu move le tags accopulate, assecura te que tote le duo tags de apertura e de clausura es ambe o interior o externe al altere copulas de tag, o le file rendite pote ser corrupte e faller a aperir se.
Exemplo:
<b0>Le formattation</b0> <b1>uno</b1> essera annidate intra le formattation zero.<segment 0001>
Post le annidamento:
<b0>Le formattation <b1>uno</b1></b0> esseva annidate intra le formattation zero.<segment 0001>
Le superposition es le resultato del mal tractamentos de copulas de tag e es garantite resultar in in corruption del formato e alicun vices in le file rendite que non aperi del toto.
Exemplo:
Le <b0>Formattation</b0> <b1>uno</b1> va esser confuse. <segmento 0001>
Post un manipulation mal:
Le <b0>Formattation <b1>uno</b0></b1> es multo confuse ora.<segment 0001>
Pro personalisar le obra con tags, on pote fixar alicun del regulas in le fenestra :
Le comportamento, fixate ci, se refere a omne le files fonte e non sol a alicun del typos del file, como texto formattate.
-
Variabiles Printf - non controlar, controlo simple, controla toto
OmegaT pote controlar que le variabiles de programmation (como %s per exemplo) existe in le fonte, in le traduction. Tu pote decider non controlar del toto, controlar pro variabiles printf simplice (como %s %d et cetera) o pro variabiles stampa de omne typos.
-
Controlar modellos simplice MessageFormat java
Activar iste quadrato de option causara que OmegaT controlara si le tags simplice in java MessageFormat (como {0}) es processate correctemente.
-
Expression regular de tag(s) usual:
Un expression regular inserite ci producera que OmegaT tractara le occurrentias revelate qual tags del cliente. Illo controla que le numero de tags e lor ordine es identic, justo como il es le caso pro le tags-omegat.
-
Le fragmento(s) que debe esser removite ex le expression regular del traduction
On pote scriber un expression regular pro contentos importun in le destination. Tote le concordantias in le segmento de destination essera alora colorate in rubre, id es facile a identificar e corriger. Quando on quere pro concordantias partial, le remover modello es ignorate. Un penalitate fixe de 5 es addite si le parte removite non concorda alicun altere segmento, assi le concordantia non es monstrate usque qual 100%
Le function valida tags releva cambiamentos al sequentias del tag (an deliberate o accidental), e monstra le segmentos affligite. Lanceante iste function – - tu aperi un fenestra continente omne le segmentos in le file rendite, con tags suspecte rupte o mal. Reparar le tags e recrear le documentos de destination es facile con le function Valida tags. Le fenestra que aperi quando es pulsate presenta un tabella a tres columnas con un ligamine al segmento, le segmento fonte e le segmento de destination.
Le tags es marcate in blau nigrato pro un facile comparation inter le original e le contentos rendite. Clicca sur le ligamine pro activar le segmento in le Editor. Corrige, si necesse, le errores (in le caso precedente illo es le copula perdite<i2></i2>) e pulsa pro retornar al fenestra de validation del tags, e pro corriger altere errores. Le errores de tag es sequentias de tag, in le traduction, in le qual non es representate le mesme arrangiamento de tag del segmento original. Alicun manipulationes de tag es necessari e es benigne, alteres producera problemas quando essera create le documento rendite.
Simplifica le texto original
Le tags generalmente representa le formattation in alicun forma del texto original. Simplificar le formattation original contribue assatis a reducer le numero de tags. Unificar le typos de character usate, le dimensiones de typo de character, le colores, et cetera, ubi le stato de cosas permitte lo, simplifica le labor de traduction e reduce le possibile numero del errores de tag. Lege le section operationes del tag pro vider lo que on pote facer con le tags. Recorda que si tu trova le tags un problema in OmegaT e le formattation non es extrememente relevante pro le traduction actual, remover le tags pote ser le maniera plus facile pro le exito del problemas.
Paga attention extra al copulas de tag
Si tu debe vider le tags in OmegaT ma non necessita conservar le major parte del formattation in le documento rendite tu es libere de non includer le tags in le traduction. In iste caso presta extra attention al pares de tag pois que cancellar un latere del par ma negliger de deler le altere es garantite pro corrumper le formattation de tu documento. Desde le tags es includite in le ipse texto, il es possibile usar le regulas de segmentation pro crear segmentos con minus tags. Isto es un function experte e necessita alicun experientia pro applicar lo debitemente.
OmegaT non es ancora habile a discoperir in modo completemente automatic le errores in le formattation, assi illo non suggerera te si tu face un error o tu cambia le formattation pro adaptar lo melio a tu lingua final. Alicun vices, comocunque, tu file rendite pote haver un aspecto singular, e – in le pejor caso – pote etiam rejectar de aperir.